Б. Ринчен "Монгол хэл"

ᠰᠤᠳᠤ ᠶᠡᠬᠡ ᠪᠢᠯᠢᠭ᠍ᠲᠤ ᠲᠦᠮᠡᠨ ᠶᠤᠭᠡᠨ ᠪᠢᠰᠢᠷᠡᠨ ᠮᠠᠭᠲᠠᠮᠤ ᠪᠢ

ᠰᠤᠨᠤᠰᠬᠤ ᠪᠦᠷᠢ ᠢᠷᠠᠭᠤ ᠪᠠᠶᠠᠯᠢᠭ ᠊ᠢ ᠭᠠᠶᠢᠬᠠᠨ ᠪᠠᠶᠠᠰᠴᠤ

ᠴᠢᠩ ᠵᠤᠷᠢᠭᠲᠤ ᠡᠪᠦᠭᠡᠳ ᠳᠡᠭᠡᠳᠦᠰ ᠊ᠦᠨ ᠮᠢᠨᠢ ᠥᠪ᠋ ᠶᠡᠬᠡ ᠡᠷᠳᠡᠨᠢ

ᠴᠢᠬᠢᠨ ᠊ᠦ ᠴᠢᠮᠡᠭ ᠪᠤᠯᠤᠭᠰᠠᠨ ᠠᠶᠠᠯᠭᠤ ᠰᠠᠶᠢᠬᠠᠨ ᠮᠤᠩᠭᠤᠯ ᠬᠡᠯᠡ

ᠡᠩᠬᠦᠷᠡᠢᠯᠡᠨ ᠪᠠᠳᠠᠷᠠᠭᠤᠯᠬᠤ ᠵᠢᠨ ᠪᠠᠲᠤ ᠵᠤᠷᠢᠭ ᠲᠡᠭᠦᠰ ᠶᠠᠭᠤᠲᠠᠢ ᠰᠠᠶᠢᠬᠠᠨ

ᠡᠭᠡᠰᠢᠭ᠌ ᠰᠠᠶᠢᠬᠠᠨ ᠮᠤᠩᠭᠤᠯ ᠬᠡᠯᠡ ᠶᠤᠭᠡᠨ ᠨᠡᠩ ᠬᠠᠶᠢᠷᠠᠯᠠᠨ ᠳᠡᠭᠡᠳᠦᠯᠡᠵᠦ

ᠬᠤᠷᠴᠠ ᠠᠪᠢᠶᠠᠰᠲᠤ ᠬᠥᠪᠡᠭᠦᠳ ᠳᠡᠭᠦᠦ ᠨᠡᠷ᠂ ᠬᠠᠯᠠᠭᠤᠨ ᠡᠯᠢᠭᠡᠲᠡᠨ ᠬᠤᠲᠠᠯᠠ ᠪᠠᠷ

ᠬᠤᠲᠤᠭ ᠥᠯᠵᠡᠢ ᠪᠦᠷᠢᠳᠦᠭᠰᠡᠨ ᠬᠤᠪᠢ ᠵᠠᠶᠭᠠᠲᠤ ᠶᠡᠬᠡ ᠲᠦᠮᠡᠨ ᠊ᠦ ᠮᠢᠨᠢ

ᠰᠡᠤᠡᠬᠢᠯ ᠤᠷᠮᠠᠰ ᠪᠠᠳᠠᠷᠠᠨ ᠪᠠᠬᠠᠳᠠᠮᠤ᠂ ᠦᠰᠦᠨ ᠪᠤᠭᠤᠷᠤᠯ ᠥᠲᠡᠭᠦᠰ ᠪᠢ

ᠰᠡᠯᠪᠢᠯ ᠦᠭᠡᠢ ᠰᠡᠴᠡᠨ ᠤᠶᠤᠨᠲᠠᠨ᠂ ᠬᠡᠯᠡ ᠶᠤᠭᠡᠨ ᠡᠩᠬᠦᠷᠡᠢᠯᠡᠨ ᠬᠥᠭ᠍ᠵᠢᠭᠦᠯᠦᠶᠦ ᠬᠡᠮᠡᠨ

ᠲᠦᠪᠰᠢᠨ᠎.᠊ᠡ᠋ ᠰᠤᠶᠤᠯ ᠡᠷᠳᠡᠨᠢ ᠶᠤᠭᠡᠨ ᠮᠠᠨᠳᠤᠭᠤᠯᠬᠤ ᠵᠢᠨ ᠭᠡᠭᠡᠨ ᠤᠯᠠᠷᠢᠯ ᠨᠡᠭᠡᠭᠡᠭᠳᠡᠭᠰᠡᠨ ᠊ᠳᠦ

ᠲᠦᠭ᠍ᠰᠢᠭᠦᠷᠢᠲᠤ ᠪᠡᠷᠬᠡ ᠵᠢ ᠳᠠᠪᠠᠨ ᠲᠤᠭᠤᠯᠤᠭᠰᠠᠨ ᠪᠠᠭᠠᠲᠤᠷ ᠲᠦᠮᠠᠨ ᠊ᠦ ᠮᠢᠨᠢ

ᠲᠦᠯᠬᠢᠬᠦ ᠪᠦᠷᠢ ᠰᠡᠳᠬᠢᠯ ᠰᠡᠷᠭᠦᠨ ᠮᠠᠩᠨᠠᠢ ᠵᠢᠨ ᠦᠷᠴᠢᠯᠡᠭᠡ ᠲᠡᠨᠡᠢᠨᠡᠮ

ᠲᠦᠮᠡᠨ ᠲᠦᠮᠡᠨ ᠦᠢ ᠊ᠡ᠋ ᠵᠢᠨ ᠤᠶᠤᠨ ᠪᠢᠯᠢᠭ᠌ ᠊᠌ᠦᠨ ᠦᠯᠡᠮᠵᠢ ᠰᠠᠩ ᠊ᠦᠨ ᠡᠭᠦᠳᠡ ᠵᠢ ᠴᠢᠨᠢ

ᠡᠳᠦᠷ ᠪᠦᠷᠢ ᠦᠭᠡᠰ ᠊ᠦᠨ ᠡᠷᠳᠡᠨᠢ ᠵᠢ ᠴᠢᠨᠢ ᠪᠠᠶᠠᠷᠯᠠᠨ ᠲᠡᠭᠦᠨᠡᠮ

ᠥᠰᠬᠦ ᠨᠠᠰᠤᠨ ᠡᠴᠠ ᠥᠲᠡᠯᠬᠦ ᠨᠠᠰᠤ ᠬᠦᠷᠲᠡᠯ ᠊ᠡ᠋ ᠴᠢᠮ ᠊ᠠ᠋ ᠶᠤᠭᠠᠨ ᠰᠤᠳᠤᠯᠤᠨ

ᠬᠥᠭ᠍ᠵᠢᠮ ᠮᠡᠲᠦ ᠢᠷᠠᠭᠤ ᠪᠠᠶᠠᠰᠬᠤᠯᠠᠩᠲᠤ ᠮᠤᠩᠭᠤᠯ ᠬᠡᠯᠡ ᠮᠢᠨᠦ

ᠬᠥᠨᠳᠡᠢ ᠴᠡᠭᠡᠵᠢᠨ ᠊ᠳᠦ ᠤᠷᠤᠭᠴᠢ ᠪᠦᠭᠦᠳᠡ ᠵᠢ ᠨᠡᠪᠲᠡᠷᠡᠭᠦᠯᠬᠦ ᠴᠢᠳᠠᠯᠲᠤ

ᠮᠥᠩᠬᠡᠳᠡ ᠦᠷ ᠊ᠡ᠋ ᠠᠴᠢ ᠨᠠᠷ ᠊ᠤᠨ ᠵᠠᠯᠭᠠᠮᠵᠢ ᠪᠠᠷ ᠪᠠᠳᠠᠷᠠᠩᠬᠠᠨ ᠳᠡᠯᠭᠡᠷᠡᠵᠦ

ᠮᠥᠷᠡᠨ ᠭᠤᠤᠯ ᠴᠢᠳᠬᠤᠯᠠᠩᠲᠤ ᠰᠢᠷᠭᠡᠰᠢ ᠦᠭᠡᠢ ᠶᠡᠬᠡ ᠳᠠᠯᠠᠢ ᠮᠡᠲᠦ

ᠥᠷᠨᠢᠨ ᠮᠠᠨᠳᠤᠬᠤ ᠵᠢᠨ ᠰᠢᠨᠵᠢ ᠪᠦᠷᠢᠳᠦᠭᠰᠡᠨ ᠡᠪᠦᠭᠡᠳ ᠊ᠦᠨ ᠮᠢᠨᠢ ᠬᠡᠯᠡ

ᠥᠭᠡᠳᠡᠯᠡᠨ ᠳᠡᠭᠵᠢᠬᠦ ᠵᠢᠨ ᠲᠡᠭᠦᠰ ᠬᠤᠪᠢᠲᠠᠢ ᠊ᠳᠦ ᠢᠨᠦ ᠢᠲᠡᠭᠡᠭᠦᠯᠦᠭᠰᠡᠨ

ᠤᠢᠳᠬᠠᠷᠯᠠᠨ ᠪᠤᠳᠤᠬᠤ ᠊ᠳᠤ ᠮᠢᠨᠢ ᠤᠷᠮ ᠊ᠠ᠋ ᠵᠤᠷᠢᠭ ᠊ᠢ ᠮᠢᠨᠦ ᠰᠡᠷᠭᠦᠭᠡᠭᠰᠡᠨ

ᠤᠷᠢᠳᠤ ᠵᠢᠨ ᠪᠡᠷᠬᠡ ᠴᠠᠭ ᠲᠤ ᠤᠯᠤᠰ ᠮᠤᠩᠭᠤᠯ ᠊ᠤᠨ ᠬᠡᠲᠦ ᠵᠠᠶᠠᠬ᠋ ᠊ᠠ᠋ ᠵᠢ

ᠰᠤᠳᠤ ᠶᠡᠬᠡ ᠪᠢᠯᠢᠭ᠍ᠲᠦ ᠲᠦᠮᠡᠨ ᠶᠤᠭᠡᠨ ᠪᠢᠰᠢᠷᠡᠨ ᠮᠠᠭᠲᠠᠮᠤ ᠪᠢ

ᠰᠤᠨᠤᠰᠬᠤ ᠪᠦᠷᠢ ᠢᠷᠠᠭᠤ ᠪᠠᠶᠠᠯᠢᠭ ᠊ᠢ ᠭᠠᠢᠬᠠᠨ ᠪᠠᠶᠠᠰᠴᠤ

ᠴᠢᠩ ᠵᠤᠷᠢᠭᠲᠤ ᠡᠪᠦᠭᠡᠳ ᠳᠡᠭᠡᠳᠦᠰ ᠊ᠦᠨ ᠮᠢᠨᠢ ᠥᠪ᠋ ᠶᠡᠬᠡ ᠡᠷᠳᠡᠨᠢ

ᠴᠢᠬᠢᠨ ᠊ᠦ ᠴᠢᠮᠡᠭ ᠪᠤᠯᠤᠭᠰᠠᠨ ᠠᠶᠠᠯᠭᠤ ᠰᠠᠢᠬᠠᠨ ᠮᠤᠩᠭᠤᠯ ᠬᠡᠯᠡ

              ᠪᠢ‍᠂ ᠷᠢᠨᠴᠡᠨ 《ᠮᠤᠩᠭᠤᠯ ᠬᠡᠯᠡ》

HTML Comment Box is loading comments...